Skogbruk

Fylkesmannens oppgåver innanfor skogbruk er knytte til den langsiktige forvaltninga av skog som ressurs for lønnsam næringsverksemd. I samarbeid med andre aktørar er Fylkesmannen også engasjert i arbeidet for større verdiskaping basert på trevirke som råstoff.

Fylkesmannen skal vere ein pådrivar for auka bruk av trevirke som bygningsmateriale og til produksjon av bioenergi. Det er også eit viktig mål å medverke til at vi har ein infrastruktur som kan sikre ein effektiv og lønnsam hogst, samtidig som næringa tek omsyn til miljøet.

Fylkesmannen gir rettleiing og assistanse til kommunane på område som vegplanlegging, bioenergi, skogskjøtsel og miljøspørsmål. Andre arbeidsområde er koordinering av skogbruksplanlegginga i fylket, forvaltning av skogavgiftsordninga, tilskotsforvaltning og kontrolloppgåver.

Vis meir


02.04.2020

Det er sikra arbeidsfolk til vårplanting i skogen i Rogaland

Tømmeraktørane er i forkant og har allereie sikra seg lokal arbeidskraft for å kunne gjennomføre vårplanting i skogen som planlagt.

24.03.2020

Det høgste treet i Rogaland er kåra!

I februar blei det lyst ut ein uformell konkurranse om å finne det høgste treet i Noreg og i kvart fylke. Vinnaren i Rogaland står ved Ritlandsvatnet i Suldal. Me gratulerer! Treet er heile 46,1 meter og har overlevd skrivemaskina, unionsoppløysinga og både ein og to verdskrigar. Mykje tydar på desse hendingane har gått stilt og roleg for seg rundt Ritlandsvatnet, for bestandet står fint enno.

11.03.2020

Vel gjennomført Norsk Juletremesse

Norsk juletremesse er eit av dei viktigaste samlingspunkta for juletre- og pyntegrøntprodusentar i heile Noreg. Rundt 90 deltakarar fekk fagleg påfyll både ute og inne, røyne seg i diskusjonar og møte kollegaer frå heile landet då årets messe gjekk av stabelen på Sola fyrste helga i mars.

25.02.2020

Nye felles retningsliner for tilskot til skogsvegar og taubanedrift i Rogaland

Frå 1. januar 2020 overtok kommunane ansvaret for forvaltinga av tilskot til skogsvegar og taubane o.a. Oppgåveoverføringa er ein del av kommunereforma. Fylkesmannen har i samarbeid med kommunane og skognæringa utarbeidd felles retningsliner for prioritering og tildeling tilskot.

19.02.2020

Ny skogrådgivar på plass hjå Fylkesmannen

Etter nesten 1 års vakanse på skogområdet er ny medarbeidar endeleg på plass. Birgit Sundbø Hagalid er tilsett som ny skogrådgivar i 100 prosent stilling på landbruksavdelinga frå 3. februar.

06.01.2020

Inntil 400 000 kr ekstra i tilskot til landbruksbygg i tre

Landbruksdepartementet gjorde endringar i forskrift i samband med innføring av ekstra tilskot til trebygg frå 01.01.2020. Dette blei avtalt i jordbruksoppgjeret i 2019.

02.12.2019

Landbruksbygg i tre er smartare enn mange trur

I siste jordbruksoppgjer blei avtalepartane samde om å gi ekstra tilskot ved investering i landbruksbygg i tre. I 2020 kan du til få inntil 20 prosent av ordinært innvilga tilskotsbeløp og maksimum 400 000 kr.

23.10.2019

Bli med på juletresafari i Hjelmeland laurdag 26.oktober

Det blir produsert juletre i heile Rogaland, men spesielt mykje i Hjelmeland og Strand. – Kunstige juletre kjem aldri til å utkonkurrere levande juletre. I dag klarer vi ikkje å produsere nok tre i Noreg i høve til etterspurnaden, så her er det grunnlag for nye produsentar, seier Mikal Hetland i Norsk Juletreservice AS. Nye produsentar og andre interesserte kan bli med på juletresafari 26.10.2019 hjå Vidar Garheim på Fundingsland i Hjelmeland som har nokre særs flotte juletre av sorten fjelledelgran.

18.10.2019

Bygg nytt fjøs i tre – Daniel Andreas Breivik kan hjelpe deg!

Landbruksavdelinga har engasjert Daniel Andreas Breivik for å promotere nye fjøs i tre. Han vil ha kontor på heimegarden i Skjold og ha hovudengasjementet i heimkommunen Vindafjord. Bygg i tre har fått merksemd m.a. ut frå klimaomsyn, og vil få ekstra prioritet når det gjeld investeringsmidlar i 2020.

01.10.2019

Grønt skifte i praksis

Langsiktig og målretta arbeid over tid gir resultat. Flisbasert bioenergi varmar opp stadig fleire bygg i Rogaland. Saman med bruk av tre i fleire større byggjeprosjekt og landbruksbygg er dette bioøkonomi i praksis.

Fleire nyhende