BU-pris til Jone Wiig Gartneri
Jone Wiig Gartneri er tildelt Bygdeutviklingsprisen for 2017 for sitt store engasjement for vidareutvikling av grønsaksnæringa og for utvikling av innovative produkt.
Dette innhaldet er meir enn eitt år gammalt. Informasjonen kan derfor vere utdatert.
Jone Wiig Gartneri på Orre er eit gartneri på 16 dekar og er blant dei fem største i landet. I tillegg driv dei med produksjon av frilandsgrønsaker på ca 300 dekar. Dei leverer over heile landet og tar sjølv hand om pakkinga for å sikre kvalitet i alle ledd. Dei jobbar mykje med produktutvikling i samarbeid med kokkemiljøet og det eksperimenterast med råvarer overfor krevjande restaurantkundar. Jone Wiig overtok garden av faren i 2015, og tok da eit strategisk val om å satse på agurk i drivhus og frilandsgrønsaker. Garden og gartneriet sysselset fleire heiltidsarbeidarar og mange sesongarbeidarar, totalt 15 – 17 årsverk.
Innovativ produsent
Jone Wiig var involvert i utviklingsprosjektet Bringebær i Veksthus i fleire år. Han har samen med familien utvikla Sjitne gulerøde. Dette er uvaska gulrøter med betre smak og kvalitet som leverast i papiremballasje. Sjitne gulerøde har vunne to prisar under Det norske måltid. Nå nyleg har Jone Wiig i lag med ein kokk begynt med produksjon av salt frå Jærhavet.
Juryen si grunngjeving
«Jone Wiig er en driver i gartnermiljøet i Rogaland og han jobber utrettelig med ulike deler av miljøet (forskere/ produsenter/kokker/gartnere mfl) for å sikre at de hele tiden strekker seg etter nye mål. Han søker nye veier for å både oppnå biologisk og økonomisk bærekraftig produksjon og er opptatt av produktutvikling. Ellers er Jone en raus person, og han og hans team deler på erfaringer og inviterer inn andre for å formidle hva og hvordan de tenker, slik at andre drar nytte av deres kunnskap. Jone har også bidratt til profilering av «Matfylket Rogaland» og han bidrar med innspill og refleksjoner overfor det offentlige i utviklinga av den regionale næringsstrategien. Etter vårt syn er Jone Wiig gartneri en meget verdig vinner av BU-pris 2017 og en fantastisk representant for norsk landbruk i nasjonal sammenheng.»
Kort om BU-prisen
Innovasjon Norge Rogaland og Fylkesmannen si landbruksavdeling deler kvart år ut denne næringslivsprisen til personar som har vist god evne til nyskaping og næringsutvikling innan landbruket. Vi snakkar her om landbruksnæring i vid forstand. Prisen består av eit diplom og prispengar på kr 50.000. Fylkesvinnarane skal i neste omgang ut og kjempe om den nasjonale BU-prisen og ytterlegare kr 250.000 kroner. Den nasjonale prisen blir delt ut i Berlin 18. januar 2018.