Over 63 millionar er utbetalt i erstatning
Fylkesmannen har snart behandla ferdig alle søknadene om avlingsskadeerstatning. Det er sendt inn 857 søknader i Rogaland, av desse er 761 utbetalt. Vi satsar på å vere ferdig med alle sakene i løpet av veka.
Dette innhaldet er meir enn eitt år gammalt. Informasjonen kan derfor vere utdatert.
Uvanleg mange søknader i 2018
Nasjonalt er det sendt inn 9032 søknader om avlingsskadeerstatning, mot fjorårets 948. I fjor mottok Rogaland 239 og det blei betalt ut omlag 20 millionar. Rogaland er eit av fylka som har fått inn flest søknader, men har likevel langt færre enn Oppland.
Avlingsskadeordning og ekstra kompensasjon i jordbrukssavtale 30. august 2018
Erstatningsordningane blei revidert slik at dei som ble mest ramma får betre uttelling. I Rogaland gjeld dette 5 kommunar.
Mangelfulle søknader har gitt lengre saksbehandlingstid
Fylkesmannen er avhengig av at nødvendig informasjon er på plass før vi kan godkjenne søknadar om erstatning. Det kan typisk vere informasjon om beitepraksis, hausting av 3. slått og liknande. Manglande informasjon har auka saksbehandlingstida, og ved neste høve vil Fylkesmannen vere tydlegare i forkant på kva informasjon ein slik søknad skal innehalde.
Kontaktpersonar
-
Else Fredheim Hodne
Tlf: 51 56 89 77 -
Nono Dimby
Tlf: 51 56 89 78