Korleis står det til med tilskotsforvaltninga i Rogaland?
Landbruksdirektoratet har gitt fylkesmennene i oppdrag å kartleggje og greie ut kva som er dei største utfordringane når det gjeld utbetaling av tilskot, likebehandling og kompetanse. For å kunne gi eit svar på dette utarbeidde Fylkesmannen i Rogaland ei spørjeundersøking som blei sendt til landbruksforvaltninga i kommunane.
Dette innhaldet er meir enn eitt år gammalt. Informasjonen kan derfor vere utdatert.
Spørjeundersøkinga blei sendt ut digitalt, og vi brukte verktøyet Survey- monkey. Dei fleste kommunane var positive og svarte raskt. Erfaringa med å bruke digitalt spørjeskjema er god.
Basert på dei svara vi har fått inn er vårt hovudinntrykk er at kommunane i Rogaland stort sett har gode rutinar og god kjennskap til regelverket for produksjonstilskot i jordbruket. Vår erfaring er likevel at fleire føler det ubehageleg, vanskeleg og tidkrevjande å følge opp rundskriva når det gjeld avkorting ved regelverksbrot og vurdering av vanleg jordbruksproduksjon og driftsfellesskap. Det gjer at det er en viss fare for at det ikkje er likebehandling i kommunane, og at tilskot er blitt utbetalt på feil grunnlag.