Nasjonal jordvernpris - kandidatar frå Rogaland?
Fylkesmannen ønskjer forslag til kommunar som fortener nasjonal jordvernpris 2017.
Dette innhaldet er meir enn eitt år gammalt. Informasjonen kan derfor vere utdatert.
Stortinget vedtok i 2015 ein nasjonal jordvernstrategi. Eit av tiltaka i jordvernstrategien var å etablera ein nasjonal jordvernpris. Fylkesmennene skal sende forslag på kandidatar frå eige fylke til Landbruks- og matdepartementet innan 1. april i år. Departementet skriv mellom anna følgjande i sitt brev til fylkesmennene:
«Opprettelsen av en jordvernpris er et tiltak for å styrke jordvernet. Prisen skal bidra til å øke oppmerksomheten om jordvernet, særlig i kommunene og fylkeskommunene, og få fram gode ideer og eksempler på tiltak, planer og strategier for å ta vare på dyrka mark. Prisen skal deles ut annethvert år til en kommune eller fylkeskommune og skal bestå av et diplom og en passende oppmerksomhet. Juryen vil bli ledet av landbruks- og matministeren.
Målgruppen for prisen er fylkeskommuner og kommuner som tar aktive grep i regionale planer og i kommune- og reguleringsplaner. Det kan også være kommuner og fylkeskommuner som får gode resultat i samarbeid eller partnerskap med andre aktører gjennom planlegging, gjennomføring og praksis. Aktørene kan være ulike parter innen offentlig politikk og forvaltning, næringslivet eller andre organisasjoner.»
Korleis føreslå kandidat?
Fylkesmannen i Rogaland ønskjer grunngjevne forslag til kandidatar. Kandidatar må vere kommune eller fylkeskommune (eventuelt i samarbeid med andre aktørar) som du meiner fortener årets jordvernpris.
Forslaget må innehalde informasjon om deg/dykk som føreslår kandidat, informasjon om kandidaten (og eventuelle samarbeidspartnarar), og ei grunngjeving for nominasjonen.
Forslag må bli sendt oss innan onsdag 15. mars.
Fylkesmannen vil vurdere innkomne forslag og fremje ein eller fleire kandidatar frå Rogaland til den nasjonale jordvernprisen 2017. Dette skal bli vektlagd:
- Konkrete, oppnådde resultat
- Ambisiøse, planlagde tiltak
- Gode informasjonsprosjekt
- Nyskapande prosjekt og verktøy for jordvern
- Integrering av jordvernomsyn i ulike prosessar
- Andre forhold som tilseier at jordvern blir prioritert høgt
Forslag kan sendast elektronisk til:
fmropost@fylkesmannen.no og fmrogsk@fylkesmannen.no
Eventuelt per post til:
Fylkesmannen i Rogaland
Postboks 59
4001 Stavanger.
NB! Merk innsending med vår referanse: 2017/600.