Nytt inntektssystem – viktig for kommunane si framtid
I dag har regjeringa lagt fram høyringsforslag til nytt inntektssystem for kommunane. Det ligg til grunn at det nye inntektssystemet skal vere meir målretta for å gjere kommunane rusta til å møte utfordringane i framtida.
Dette innhaldet er meir enn eitt år gammalt. Informasjonen kan derfor vere utdatert.
Det har vore varsla at regjeringa vil ta ein heilskapleg gjennomgang av inntektssystemet til kommunane, og at dette blir sett i samanheng med kommunereforma. Det er lagt opp til å presentere eit nytt inntektssystem for kommunane i kommuneproposisjonen for 2017, med verknad frå 1. januar 2017.
Ikkje same utteljing for kommunar som frivillig er små
I framlegget er det lagt opp til at kommunar som frivillig vel å vere små, ikkje får like stort basistilskott som i dag. Der er lagt opp til å gjere inntektssystemet meir nøytralt, og småkommunetilskotet blir målretta mot kommunar som faktisk har distriktsutfordringar.
Frist for å kome med innspel er 1. mars 2016
I høyringsbrevet er det opplyst at det er høve til å kome med innspel til dei enkelte punkta, og med generelle synspunkt. Fylkesmannen vil rå kommunane, og andre aktuelle, til å engasjere seg i denne viktige saka.
Kontaktpersonar
-
Anfinn Rosnes
Tlf: 51 56 89 80 / 48 14 72 13