Krisesenter

Eit krisesenter er ein institusjon som tek imot personar som er utsette for vald i nære relasjonar.

Krisesenterlova

Det er kommunen som skal sørgje for at det finst eit tilbod om krisesenter for alle som treng det. Kommunen skal òg sørgje for at krisesenteret oppfyller krava i krisesenterlova. Formålet med denne lova er å sikre at det finst eit godt tilbod til kvinner, menn og barn som er utsette for vald eller truslar om vald frå nokon som står dei nær.  

  • Eit krisesenter er eit tilbod om ein mellombels stad å bu. Det skal vere gratis, døgnope og tilgjengeleg heile året.
  • Tilbodet skal vere tilrettelagt for kvar enkelt brukar.
  • Krisesenteret og andre offentlege tenester skal vere samordna og gi brukaren heilskapleg oppfølging.
  • Dei som har budd i krisesenter, skal få tilbod om oppfølging etter at dei har flytta ut.  

Krisesenterlova pålegg kommunen å føre internkontroll med at krisesenteret og den verksemda krisesentertilbodet omfattar, er i samsvar med gjeldande regelverk.   

Fylkesmannens ansvar

Fylkesmannen fører tilsyn med at kommunen følgjer opp oppgåvene sine etter føresegnene i krisesenterlova. Fylkesmannens tilsyn rettar seg mot kommunen, ikkje det enkelte krisesenteret.

Vis meir


25.04.2013

Oppfølging av valdsutsette barn ved krisesentra

Krisesentra har lovpålagd meldeplikt til barnevernet, men i fleire tilfelle melder dei ikkje


25.04.2013

Tilbodet til innbyggjarane i Rogaland

Kartleggjing viser at alle kommunane har tilbod til innbyggjarane når det gjeld krisesenter. Fylkesmannen fikk i 2010 i oppdrag å føre tilsyn med at kommunane oppfyller pliktene som dei er pålagde etter krisesenterlova. 



Kontaktpersonar