Støtte til politiske parti
Politiske parti som er registrerte i partiregisteret, kan søkje om statstilskot. Det er Fylkesmannen som behandlar søknader frå kommune- og fylkespartia. Dette gjeld også ungdomsparti på fylkesnivå. Også felleslister som er samansette av to eller fleire registrerte politiske parti, kan søkje om tilskot.
Bruk det elektroniske søknadsskjemaet nedanfor for å søkje om statstilskot. Du kan også søkje via brev.
Meir informasjon finn du på nettstaden Partiportalen.
Partia vert oppmoda om å søkje tilskot innan 15. januar i året etter eit valår.
Søknaden må innehalde:
- Namn på partiet
- Postadresse og telefonnummer
- Namn, postadresse og telefonnummer til leiaren for organisasjonen
- Partiet sitt organisasjonsnummer i Partiregisteret/Enhetsregisteret, eventuelt også morpartiet sitt organisasjonsnummer
Søknad med korrekte registreringsdata er eit krav for å få betalt ut statleg partistøtte. Disse finn du i høgre kolonne på denne sida.
Søknad skal sendast:
Fylkesmannen i Rogaland
p.b. 59
4001 Stavanger