Barnevern

Barnevernets hovudoppgåve er å sikre at barn og unge som lever under forhold som kan skade helsa og utviklinga deira, får nødvendig hjelp og omsorg til rett tid. Barnevernet skal dessutan medverke til trygge oppvekstkår for alle barn og unge. Dersom du er misnøgd med barnevernet, kan du klage til Fylkesmannen.

Kommunens oppgåver

Alle kommunar skal ha ei barnevernsteneste som utfører det daglege arbeidet etter barnevernslova. Barnevernstenesta skal setje i verk hjelpetiltak for barnet og familien. Hjelpa kan givast i form av råd og rettleiing, eventuelt i kombinasjon med andre hjelpetiltak. Vanlege hjelpetiltak er for eksempel barnehageplass, støttekontakt, råd og rettleiing og avlastningstiltak i heimen.

Barnevernstenesta har også ansvar for å gripe inn dersom tiltaka i heimen ikkje er tilstrekkelege for å sikre barnets behov. Barnevernstenesta kan då for ein periode i samråd med foreldra formidle plass i fosterheim eller på institusjon, eller på eit senter for foreldre og barn. Dersom eit barn skal plasserast utanfor heimen utan samtykke frå foreldra, må det gjerast vedtak om dette i Fylkesnemnda for barnevern og sosiale saker etter forslag frå kommunen.

Fylkesnemnda for barnevern og sosiale saker

Fylkesnemnda for barnevern og sosiale saker har mynde til å ta avgjerder blant anna i saker om omsorgsovertaking og i saker som gjeld tvangsinngrep overfor ungdom med alvorlege åtferdsvanskar. Avgjerder som er tekne av fylkesnemnda, kan bringast inn for domstolane.

Fylkesmannens oppgåver

Fylkesmannen fører tilsyn med barnevernsverksemda i kommunen. Dette inneber blant anna at Fylkesmannen behandlar klager på saksbehandlinga i barnevernstenesta og tek stilling til om barnevernstenesta har utført arbeidet sitt etter barnevernslova og forvaltningslova.

Fylkesmannen er klageinstans for enkeltvedtak som barnevernstenesta gjer etter barnevernslova. Dette vil i dei fleste tilfella vere saker der barn eller foreldre klagar over at dei ikkje får det hjelpetiltaket dei ønskjer.

Fylkesmannen fører også tilsyn med at barn på barnevernsinstitusjonar får forsvarleg omsorg og god behandling. Vidare skal tilsynet sjå til at barna blir behandla omsynsfullt og med respekt for integriteten til den enkelte. Dette inneber blant anna at barn som blir utsette for tvang på ein barnevernsinstitusjon, kan klage til Fylkesmannen.

Du kan klage

Barn og ungdom som har kontakt med barnevernet, har rett til å klage. Du kan seie di meining om det barnevernet gjer sånn at det kan bli betre. Det gjeld uansett om du bur heime, i fosterheim eller på barnevernsinstitusjon. 

Vi jobbar med å utvikle enkle løysingar for å seie frå. Inntil vidare ber vi deg ta kontakt med Fylkesmannen der du bur. Treng du nokon å snakke med NO? Ring Alarmtelefonen på 116 111.

Vis meir


19.08.2020

Informasjonen frå barneverntenesta til omsorgspersonar ved oppstart av ei undersøking

Barne-, ungdoms- og familiedirektoratet (Bufdir) har kome med ei tolkingsutsegn som gjeld samtalane barnevernet har med barn i undersøkingar, utan at foreldra er informerte.

03.08.2020

Meld frå til barnevernet

Både barn og vaksne kan melde bekymring for eit barn. For offentleg tilsette er meldeplikta lovregulert. Det er barneverntenesta sitt ansvar å finne ut om barnet eller familien treng hjelp frå barnevernet.

26.06.2020

Endringar i barnevernlova

Frå 19.06.2020 er samtaleprosess i fylkesnemndene, rett til ettervern opp til 25 år og krav til årleg tilstandsrapportering av barneverntenestene ein del av barnevernlova. 

26.06.2020

Nasjonalt utviklingsarbeid for hjelpetiltak i barnevernet

Ti barneverntenester skal delta i eit nasjonalt utviklingsarbeid for hjelpetiltak i barnevernet. Dei neste to åra skal desse ti barneverntenestene utvikla og prøva ut ein grunnmodell for hjelpetiltak. Føremålet er at dette skal gje betre og meir treffsikre tiltak for barn og unge. 

15.06.2020

Ny rapport fra koordineringsgruppen for tjenester til sårbare barn

Den fjerde statusrapporten fra koordineringsgruppen viser at tjenestetilbudet til barn og unge ikke er tilbake til normalen. 

25.05.2020

Bruk av politi i barnevernsinstitusjon

Kontakt med politi kan opplevas som skremmande og inngripande, særleg om det vert nytta tvang. 

19.05.2020

Ny rapport om tenestetilbodet til sårbare barn og unge

Barne- og familiedepartementet (BFD) har nedsett ei koordineringsgruppe som skal vurdera tenestetilbodet til barn og unge under covid-19 pandemien. 

18.05.2020

Ny rettleiar for handtering av legemidler i barneverninstitusjonar

Barne-, ungdoms- og familiedirektoratet (Bufdir) har kome med ein ny rettleiar for handtering av legemidler i barneverninstitusjonar. 

30.04.2020

Barneverntenestenes fysiske møter med barn og familiar i ei tid der ein må ta omsyn til koronavirus

Barne-, ungdoms- og familiedirektoratet (Bufdir) har kome med eit informasjonsskriv om korleis barneverntenestene kan gjennomføra fysiske møter med barn og familiar under korona-pandemien.

07.04.2020

Midlertidig forskrift på barnevernområdet

Regjeringen vedtok 3. april 2020 forskriftsbestemmelser som skal legge til rette for å ivareta barns rett til omsorg og beskyttelse etter barnevernloven under koronapandemien.

Fleire nyhende