Tilskot til bustadsosialt arbeid

Hovudmålet med tilskotet er å styrkje og utvikle dei ordinære tenestane i kommunen i Arbeids- og velferdsforvaltninga, slik at dei betre kan ta hand om og hjelpe bustadslause og vanskelegstilte på bustadsmarknaden, særleg ungdom og barnefamiliar.

Ny nasjonal strategi for bustadsosialt arbeid (2014-2020) «Bolig for velferd» sett fokus på ein særleg innsats overfor barnefamiliar og unge. NAV-kontora har eit særskilt ansvar for å skaffe mellombels bustad og bistå brukarar med bustadframskaffing. Eit godt bustadsosialt arbeid får positive konsekvensar for måloppnåing innan arbeid, helse, utdanning og integrering. Hjelp til inntekt gjennom arbeid eller utdanning er ofte avgjerande for å kunne lykkast med bustadsosialt arbeid.