Plan og bygg

Planlegging og arealforvaltning er ein føresetnad for god samfunnsutvikling. Regjeringa og Stortinget fastset dei nasjonale måla, og kommunar og fylkeskommunen har ansvaret for planlegginga på kommune- og fylkesnivå. 

Etter plan- og bygningslova skal kommunane samordne den fysiske, økonomiske, sosiale og kulturelle utviklinga på sine område gjennom samanhengande kommuneplanlegging. Fylkeskommunen skal gjennom si planlegging samordne verksemda til staten, fylkeskommunen og kommunen i fylket.

Fylkesmannen har to sentrale oppgåver i arealforvaltninga:

  • Som fagstyresmakt innan landbruk, miljøvern, helse og samfunnstryggleik skal Fylkesmannen sørgje for at nasjonale interesser blir sikra.
  • Fylkesmannen skal sikre at kommunale vedtak i plan- og byggjesaker er i samsvar med gjeldande lovverk. 

Vis meir


23.04.2020

Kommunane kan søke støtte til kommunedelplan for naturmangfald

Ordninga med støtte til utarbeiding av kommunedelplan for naturmangfald videreførast. Søknadsfrist er 6. mai.

07.04.2020

Nyheitsbrev om plan frå Fylkesmannen og fylkeskommunen

Fylkesmannen og Fylkeskommunen sender ut felles nyheitsbrev om plan og plansak, til kommunale planleggarar og andre kontaktpersonar i kommunane. Her finn du sakene som var omtala i nyheitsbrevet for april.

27.03.2020

Opparbeidingsplikt og refusjonseining

Kommunal- og moderniseringsdepartementet har i vedtak av 6. mars 2020 vurdert forholdet mellom riktig refusjonseining og opparbeidingsplikta etter plan- og bygningslova kap. 18.

18.03.2020

Mellombels forskrift i samband med koronaviruset

Regjeringa opnar i ei mellombels forskrift opp for at kommunane kan gjere unntak frå søknadsplikta etter plan- og bygningslova for tidsavgrensa bruksendringar og mellombels plassering av bygg til helse- og omsorgstenester mv. i samband med utbrotet av koronaviruset. Forskrifta skal gje kommunane auka handlingsrom til å iverksette nødvendige tiltak raskt.

10.02.2020

Ny rettleiar om barn og unge i plan og byggesak

Omsynet til barn og unge skal ivaretakast i planlegging og i krava til det enkelte byggetiltak. Ny rettleiar frå Kommunal- og moderniseringsdepartementet (KMD) syner korleis plan- og bygningslova kan bidra til å sikre og skape gode oppvekstvilkår for barn og unge.

27.01.2020

Nyheiter om plan og plansak

Fylkesmannen og Fylkeskommunen sender ut felles nyheitsbrev om plan og plansak, til kommunale planleggarar og andre kontaktpersonar i kommunane. Her finn du sakene som var omtala i nyheitsbrevet som vart sendt ut fredag 24.1.

27.12.2019

Kommuneplanstatus i Møre og Romsdal - 2019

Fylkesmannen i Møre og Romsdal har laga to kart samt ein tabell som viser status i kommunane sitt arbeid med kommuneplanens samfunnsdel og arealdel. Vi ser at det er store variasjonar kommunane i mellom når det gjeld kor tid planane sist var reviderte.

29.10.2019

Fylkesmannen opphevar reguleringsplan for Motorsportbane i Vatnedalen.

Fylkesmannen i Møre og Romsdal opphevar Haram Kommune sitt vedtak om å eigengodkjenne detaljregulering for Massetak/Parkering/Motorsportbane i Vatnedalen med tilhøyrande reguleringsføresegner og planomtale.

10.09.2019

Byggeforbodet i 100-metersbeltet langs sjøen - verknad for eldre reguleringsplanar utan byggegrense

Kommunal- og moderniseringsdepartementet endrar si tolking av plan- og bygningslova.

16.05.2019

Nye nasjonale forventningar til regional og kommunal planlegging 2019 - 2023

Regjeringa har lagt fram nye nasjonale forventningar til regional og kommunal planlegging for perioden 2019 – 2023, vedtatt ved kongeleg resolusjon 14.05.2019

Fleire nyhende Få nyheitsvarsel