Rovvilt

Bjørn, ulv, gaupe, jerv og kongeørn blir rekna som rovvilt. Det er eit hovudmål å sikre levedyktige bestandar av dei fire store rovdyrartane og av kongeørn. Samtidig er det eit mål å oppretthalde eit aktivt landbruk for å utnytte beiteressursane for sau og rein i utmark. For å nå dette todelte målet må vi forvalte rovviltbestanden, samtidig som landbruket må tilpasse seg noko i kjerneområda for rovvilt.

Dette er nokre av Fylkesmannens oppgåver i forvaltninga av rovvilt:

  • tildele midlar til førebyggjande tiltak mot rovviltskadar og behandle søknader om erstatning for skadar som freda rovvilt har gjort på bufe
  • behandle søknader om båsfangst av jerv og gaupe
  • gi løyve til skadefelling av gaupe, jerv, ulv og bjørn innanfor tildelt kvote frå rovviltnemnda
  • stå for forvaltninga av kongeørn, mellom anna å vurdere søknader om skadefelling
  • vere sekretariat for den regionale rovviltnemnda, som skal sørgje for at rovdyrstammane blir forvalta slik at talet på dyr er så nær bestandsmålet i regionen som mogleg

Vis meir


19.03.2019

Endring i lisensfellinga av ulv

Klima- og miljødepartementet har den 19. mars 2019 vedtatt endringar i lisensfellingsperioden for ulv i områda utanfor ulvesona.    

08.03.2019

Gaupejakta på Nordmøre er gjenopna

Rovviltnemnda i region 6 Midt-Norge, har i møte fredag 8. mars beslutta å tildele ei gaupe frå reservekvoten til kvotejaktområda på Nordmøre med Rindal. Jakta blir stoppa når hodyrkvoten for regionen er fylt.

21.01.2019

Gaupejakt 2019

Rovviltnemnda i region 6 har fastsatt kvote for jakt på gaupe i Møre og Romsdal i 2019. Kvotejakta startar 1. februar.

13.11.2018

Endring i kvote for lisensfelling av jerv

Rovviltnemnda i region 6 beslutta i møte 26. oktober 2018 å tildele 1 jerv av reservekvoten til kvoteområde 1 i Møre og Romsdal.

13.11.2018

Auke i tap av sau til freda rovvilt

Fylkesmannen har mottatt 69 søknader om erstatning for sau og geit drept av freda rovvilt i 2018. Samla erstatningskrav er 1458 sauer og 4 geiter.

15.10.2018

Søknad om erstatning for rovviltskade i 2018

No kan du sende inn søknad om erstatning for rovviltskade på husdyr for beitesesongen 2018. Fristen er 1. november.

06.09.2018

Lisensfelling av jerv 2018/2019

Det kan fellast inntil 3 jervar i Møre og Romsdal i haust og vinter. Lisensfellinga startar 10. september.

03.09.2018

Ingen lisensfelling av bjørn i 2018

Miljødirektoratet har fatta vedtak om ei kvote på to bjørnar for lisensfelling av bjørn i region 6 hausten 2018. Kvoten er tildelt i Trøndelag. Det er dermed ikkje opna for lisensfelling av bjørn i Møre og Romsdal i  år. 

30.01.2018

Gaupejakt i Møre og Romsdal i 2018

Det kan fellast to gauper på Nordmøre når gaupejakta startar 1. februar. I resten av fylket er det kvotefri jakt.

20.12.2017

Færre sau erstatta som drept av rovvilt

Fylkesmannen har erstatta 628 sau som tatt av rovvilt i 2017. Dette er 156 færre enn i 2016, og dei nest lågaste tapa i Møre og Romsdal på ti år.

Fleire nyhende