Fiskeforvaltning

Fylkesmannen har ansvar for forvaltninga av laks og sjøaure, sårbare bestandar av innlandsfisk og fisk i regulerte vatn.

Fylkesmannen samlar inn fangststatistikk frå lakse- og sjøaurefisket, registrerer deltaking i sjølaksefisket og deler ut tilskot frå det statlege fiskefondet. Overvaking er viktig for å kunne ta vare på og styrkje fiskebestandane. Fylkesmannen har tett kontakt med grunneigarar og jakt- og fiskelag, og samarbeider tett med politiet, Statens naturoppsyn og Kystvakta om oppsyn med fiskeressursane.

Miljødirektoratet har ansvar for fiskereguleringar i elv og sjø og utarbeider forskrifter for fiske av laks og sjøaure.

Fylkeskommunen har ansvar for innlandsfisk av ikkje-trua bestandar i vatn som ikkje er regulerte. Fylkeskommunen har også ansvar for tildeling av fiskeoppdrettskonsesjonar.

Vis meir


01.11.2019

Rauma friskmeldt for Gyrodactylus salaris

Elvane i Raumaregionen vart i dag friskmelde etter ein 40 år lang kamp mot lakseparasitten Gyrodactylus salaris.

25.10.2019

Fylkesmannen inviterer til markering av villaksens år på Åndalsnes

Velkommen til Rauma kulturhus på Åndalsnes torsdag 31. oktober kl. 19:00. Fylkesmannen vil her markere at 2019 er villaksens år.

25.10.2019

Kan Raumavassdraga friskmeldast?

Fylkesmannen inviterer til markering på Åndalsnes. Dei siste prøvene er no til analyse hos Veterinærinstituttet som skal overlevere svara til Mattilsynet. Svaret får vi på Rauma kulturhus fredag 1. november kl. 11:00. Meld deg på her innan 27. oktober 2019.

23.09.2019

Fylkesmannen inviterer til markering av VILLAKSENS ÅR i Surnadal

Velkommen til Storstuå, i kulturhuset på Skei, Surnadal førstkomande torsdag 26. september kl. 19:00. Fylkesmannen vil her markere at 2019 er villaksens år.

29.05.2019

Endringar i fiske etter laks og sjøaure i sjø og vassdrag

Miljødirektoratet har i dag fastsatt forskrifter om endring i forskrifter om fiske etter anadrome laksefisk i sjø og vassdrag. Forskriftene trer i kraft straks.

24.04.2019

Registrer sjølaksefisket innan 1. juni 2019

Fisketidene for sjølaksefiske i deler av Møre og Romsdal er på høyring. Fristen for å registrere seg til sjølaksefiske er endra til 1. juni 2019.

23.04.2019

Høyring på endringar i fisketider

Miljødirektoratet foreslår endringar i fisketidene for fleire elvar og fjordområde i Møre og Romsdal. Høyringsfristen er 10. mai.

11.02.2019

Kultiveringsplan for vassdrag i Møre og Romsdal

Fylkesmannen i Møre og Romsdal legg ut Kultiveringsplan for vassdrag i Møre og Romsdal til høyring. Planen omhandlar utsettingar av anadrom laksefisk og innlandsfisk i regulerte vassdrag.

31.01.2019

Fangststatistikk for laks og sjøaure i elvane Møre og Romsdal 2018

I 2018 vart det rapportert inn ein totalfangst av avliva og gjenutsett laks frå elvane i Møre og Romsdal på omlag 23,5 tonn. Dette er ein nedgang på 38 % frå 2018. Surna hadde størst fangst av laks i fylket med totalt 4,8 tonn. Nåsvassdraget i Eide hadde størst sjøaurefangst med 620 kilo.

08.05.2018

Fangststatistikk for laks og sjøaure i Møre og Romsdal 2017

I 2017 vart det rapportert inn ein totalfangst av avliva og gjenutsett laks frå elvane i Møre og Romsdal på omlag 38 tonn. Dette er på same nivå som i 2016. Surna hadde størst fangst i fylket med totalt 6,2 tonn laks i 2017, medan det i 2016 vart fanga 8,2 tonn laks.

Fleire nyhende