Kommuneøkonomi

Publisert 23.09.2012 Oppdatert 30.01.2017

Fylkesmannen skal gi råd og rettleiing i økonomiforvaltninga, blant anna knytt til regelverk, inntektssystem og statsbudsjett.

Robek

Kommunar med meirforbruk som ikkje blir nedbetalt etter krava i kommunelova, blir registrert i "Register om betinget godkjenning og kontroll" (Robek). Fylkesmannen skal kontrollere budsjett og økonomiplanar i Robek-kommunar og godkjenne alle vedtak om lån og langsiktige leieavtalar.

Kommunale garantiar

Kommunane kan gi lånegarantiar. Når ein kommune garanterer for eit beløp som overstig 500 000 kroner, skal vedtaket godkjennast av Fylkesmannen.

Skjønnsmidlar

Kommunane kan få skjønnsmidlar, som er ein del av dei statlege overføringane til kommunesektoren. Det er Fylkesmannen som fordeler midlane til kommunen i det enkelte fylket. Tildelinga skjer etter departementets retningslinjer.

Interkommunale selskap

Dersom ein av eigarkommunane i selskapet er underlagt reglane i kommunelovas § 60, skal selskapets vedtak om opptak av lån, godkjennast av Fylkesmannen.

18.04.2018
Ureviderte tall 2017 for kommunane i Møre og Romsdal

15 kommunar i Møre og Romsdal har eit lågare netto driftsresultat i % av brutto driftsinntekter enn Teknisk beregningsutvalg anbefaler.

[ Les meir ]
30.10.2017
Økonomisjefsamling i Angvika den 23. og 24. oktober 2017

Økonomisjefane i fylket var samla 23. og 24. oktober for fagleg påfyll og gjensidig læringsutbytte.

Presentasjonane ligg til høgre under relaterte dokument.

[ Les meir ]
16.10.2017
Fylkesvis skjønnsramme 2017 - siste fordeling

Fylkesmannen i Møre og Romsdal har for 2017 fått 90,4 millionar kroner i fylkesvis skjønnsramme til fordeling i budsjettåret.

Vi fordelte 30,004 millionar kroner til statsbudsjettet 2017, og har seinare fordelt 4,904 millionar kroner til prosjektskjønn og 7,3 millionar til arbeidet med innovasjon og utvikling i nye kommunar. Her følger fordelinga av dei resterande 48,192 millionar kroner.

Fordelinga på kommunenivå ligg vedlagt, med følgande forklaring:

[ Les meir ]
12.10.2017
Skjønnstildelinga i statsbudsjettet 2018

Vi viser til brevet vårt frå 30. mai i år om innspel til ordinære skjønnsmidlar. Fylkesmannen i Møre og Romsdal har tildelt 46 532 000 kroner i statsbudsjettet for 2018.

[ Les meir ]
04.07.2017
Utviklinga i kommuneøkonomien 2016

Fylkesmannen i Møre og Romsdal gir kvart år ut ein rapport om utviklinga i kommuneøkonomien. Rapporten er i all hovudsak basert på tall innhenta av Statistisk sentralbyrå, og framstilt i figurar og tabellar. Tilpassingar til den nye skattereforma i 2016 gav ekstraordinære skatteinntekter til kommunane, og bidrog sterkt til at 2016 vart eit godt år for kommuneøkonomien i mange kommunar i Møre og Romsdal.

[ Les meir ]
29.06.2017
Seks kommunar meldt ut av ROBEK

Hareid, Kristiansund, Rauma, Sandøy, Sykkylven og Ørskog, er meldt ut av ROBEK etter at alle kommunane har dekt inn underskota frå tidlegare år i sin heilskap.

[ Les meir ]
15.05.2017
Revidert nasjonalbudsjett 2017 og kommune-proposisjonen 2018

Det er ikkje store endringar i dei økonomiske rammeføresetnadane for kommunesektoren i revidert nasjonalbudsjett 2017.

[ Les meir ]
20.03.2017
Ei kort oversikt over kommuneøkonomien i Møre og Romsdal per mars 2017

Den foreløpige rekneskapen til kommunane er no publisert på Statistisk sentralbyrå (SSB) sine heimesider. Rekneskapen er enno ikkje blitt revidert. I Møre og Romsdal har 35 av 36 kommunar levert inn rekneskapen til SSB. Sjå vedlegget til høgre for figurar for netto driftsresultat, netto lånegjeld, disposisjonsfond, og underskot i den ureviderte rekneskapen.

[ Les meir ]
02.01.2017
KOSTRA-rapportering for 2016

Kommunane, interkommunale selskap og kommunale føretak skal rapportere elektroniske skjema og filuttrekk til SSB innan 15. februar 2017.

[ Les meir ]
19.10.2016
Økonomisjefsamling 17. og 18. oktober

Nytt inntektssystem, gjeldsforvaltning, kommunereform og Kommunerevisjonens time var tema på økonomisjefsamlinga arrangert av KS, NKK og Fylkesmannen.

[ Les meir ]