Introduksjonsordninga

Formålet med introduksjonsordninga er å gjere det lettare for grupper av nykomne innvandrarar å komme raskt ut i jobb eller utdanning. Arbeid og utdanning er avgjerande for deltaking i samfunnet og økonomisk sjølvstende.

Rett og plikt til opplæring

Mange nykomne innvandrarar som blir busette i ein norsk kommune, treng grunnleggjande kvalifisering. Dei har rett og plikt til å delta i introduksjonsprogrammet. Dei har også rett og plikt til å delta i opplæring i norsk og samfunnskunnskap i til saman 600 timar. Det er kommunane som har ansvaret for gjennomføringa av introduksjonsprogrammet og opplæringa i norsk og samfunnskunnskap.

Dei som deltek i introduksjonsprogrammet, har rett til introduksjonsstønad.

Kommunane får finansiert ordninga

Dei som kan få opplæring og støtte etter introduksjonslova, blir registrerte i Nasjonalt introduksjonsregister (NIR). På bakgrunn av dei registrerte opplysningane kan kommunane søkje om tilskot til å gjennomføre opplæringa i norsk og samfunnskunnskap. Tilskotet blir rekna ut på grunnlag av kor mange personar i målgruppa for rett og plikt som er busette i kommunen, med tillegg for greidd norskprøve. I tillegg blir det gitt tilskot til norskopplæring for vaksne asylsøkjarar til dei kommunane som har asylmottak.

Fylkesmannens oppgåver

Det er Fylkesmannen som godkjenner søknadene i NIR, og som betaler ut tilskota.

Introduksjonslova inneheld fleire føresegner om enkeltpersonars rettar og plikter. Fylkesmannen er klageinstans for vedtak etter desse føresegnene.

Fylkesmannen fører tilsyn med verksemda i kommunane og om dei oppfyller pliktene sine etter introduksjonslova.

Vis meir


14.08.2018

Nye endringar i introduksjonslova

Stortinget vedtok 4.juni 2018 følgjande endringar i introduksjonslova, som vil tre i kraft 1. september 2018.

18.12.2012

Q-20/2012 Rundskriv til introduksjonsloven

Dette rundskrivet Q-20/2012 erstatter rundskriv H-20/05, og det omfatter de lovendringene som har blitt vedtatt siden det forrige rundskrivet ble publisert.

17.12.2012

Lysark om Introduksjonslova og tilsyn 18.09.2012

Lysark frå IMDi og Fylkesmannen si samling i Molde 18. september er no lagt ut. Relaterte lenker: Rundskriv Q-20/2012