Fylkesmannen i Sogn og Fjordane
Fylkesmannen i Sogn og Fjordane har eit heilskapsansvar for all statleg
verksemd i fylket, og skal arbeide for at nasjonale vedtak, mål og
retningsliner blir følgde opp. Vi gjer vedtak, rettleiar, fører tilsyn og
behandlar klager frå enkeltpersonar, kommunar, bedrifter og organisasjonar. I
tillegg er vi ein utviklingsaktør innan landbruk, bygdeutvikling og fornying
av offentleg sektor.
Vi utviklar IT-system som blir brukte av både oss og andre.
Fylkesmannen har også eit av dei største juridiske fagmiljøa
i fylket. Totalt er vi om lag 120 tilsette.
Kontorstad for hovudadministrasjonen er Leikanger i Sogn, medan
landbruksavdelinga vår ligg i Førde i Sunnfjord. Både Sunnfjord og Sogn
har urbane handelssentrum og varierte kulturtilbod. Naturen med
fjord og fjell dannar grunnlag for eit ungt og spennande miljø
for sommar- og vintersport. Fylket har eigen fjellsportfestival og
ei rekkje musikkfestivalar.