Fylkesmannen har bedt Leikanger kommune vurdere om utkast til kompensasjonsavtale med Sognekraft for utbygging av Henjaelvi og Grindselvi er lovleg.

Den omstridde ordlyden i avtaleforslaget er "Kroner 1 million forfaller til betaling når kommunestyret i Leikanger kommune ved flertallsvedtak har avgitt positiv uttalelse til utbyggingsprosjekt på mer enn 175 GWh middelproduksjon. Beløpet skal brukes til tilskudd til kunstgressbanen i Leikanger kommune."

For at tilliten til forsvarleg saksbehandling skal vere ivaretatt, meinar Fylkesmannen at ein bør vere varsam med å inngå avtalar som kan svekke tilliten til kommunen si saksbehandling ved at avgjerdene kan sjå ut til å vere kjøpt og betalt. Ordlyden i avtaleforslaget er derfor uheldig sidan dette inntrykket blir skapt. Det er likevel ikkje gitt at avtalen er ulovleg, dette er tilhøve som kommunen må vurdere i samband med handsaminga i kommunestyret den 9. juni.

Spørsmålet vart reist av Carlo Aall i Informasjonskomiteen for Systrondsvassdraga.

Vårt brev til kommunen kan du lese her. (.pdf-dokument)