Totalt 15 område har vore vurdert og fleire av desse er sterke konkurrentar til dei 3 som har fått plass på lista, mellom anna Ormelid i Luster kommune. I utvelginga har ein lagt mest vekt på biologiske og kulturhistoriske verdiar. I tillegg har ein vurdert moglegheitane for å få til langsiktig skjøtsel i områda. Det har vore møte i dei aktuelle kommunane (også i Luster kommune) der fylke, kommune,  næringsorganisasjonar, aktuelle grunneigarar og gardbrukarar og andre interesserte har fått drøfta prosjektet.

Nasjonale styresmakter legg opp til at spesielt verdifulle kulturlandskap skal vere dokumenterte og ha fått ei særskilt forvaltning innan 2010. Fylka er spurde om å foreslå 2-3 område som kan inngå i dei 20 fyrste områda i satsinga Utvalde kulturlandskap i jordbruket. Det er meininga at alle fylka skal få med eitt område og Fylkesmannen reknar med at dette vert avgjort på nasjonalt nivå i løpet av mai. Det vil så verte jobba vidare med ein forvaltningplan for det utvalde området.