Totalt er det utbetalt kr
1.694.801,- i erstatning for sau, lam og geit. I fjor var
erstatninga på kr 1.033.709,-. Luster kjem også i år ut som den
”største” kommunen med erstatning på kr 699.216,- fordelt på 38
søkjarar, og kommunen står for vel 40 % av
erstatningsutbetalingane. Både jerv, gaupe og bjørn har gjort stor
skade i Luster i år.
For heile fylket er jerv som vanleg
den største skadegjeraren og utgjør 60 % av dei
erstatta dyra. Gaupe står for 21 %, bjørn for 12 % og kongeørn for
7 %.
Totalt er det erstatta 179 vaksne
sauer og 815 lam, av desse er det erstatta 31
sau og 179 lam pga. gaupe, 63 sau og 524 lam pga. jerv, 76 sau og
45 lam pga. bjørn, 8 sau og 61 lam pga. kongeørn og 1 sau og 6 lam
pga. uspesifisert freda rovvilt. I tillegg er det erstatta 1 geit
og 9 kje pga. kongeørn.
Statens Naturoppsyn, som har ansvaret for skadedokumentasjon og
også for bestandsregistrering av freda rovvilt, har i år
registrert/kontrollert om lag 175 kadaver i fylket. Tilsvarande tal
for 2005 var 186, 166 i 2004 og 138 i 2003.
Talet på søknader i år er 119 og det er utbetalt erstatning til 110
søkjarar. 9 søkjarar får avslag pga. manglande dokumentasjon. ( For
2005 var tala 129 søknader, erstatning til 108 og avslag til 21 ).
I år vart det søkt om å få erstatta tap av 108 sauer og 701 lam
pga. jerv, 108 sauer og 397 lam pga. gaupe, 95 sauer og 107 lam
pga. bjørn, 11 sauer og 25 lam pga. ulv, 45 sauer og 177 lam
pga. kongeørn og 4 sauer og 24 lam pga. freda rovvilt.