Eit halvt tusen sogningar har
skrive til sine ufødde barnebarn, oldebarn, tippoldebarn eller til
fremtida sjølv. Store og små har stogga opp og reflektert over den
tida vi lever i, og den framtida vi ynskjer å skape. No ligg breva
trygt på Nasjonalbiblioteket, og først om hundre år får
etterkommarane våre innsyn i kva vi tenkte om notida og
framtida.
Totalt har Fylkesmannen fått inn 548 brev. Frå
Holmedal skule kom det ein heil pakke med teikningar frå
elevane.Blant breva er det sendingar frå
Davik barne- og ungdomsskule i Bremanger, Høyanger skule, Reed skule
i Gloppen, Ytre Solund skule, Flora barneskule, Steinhovden skule i
Flora, Trudvang skule i Sogndal, Stryn ungdomsskule, Stårheim skule i
Eid, Flatbygdi skule i Vik, Tonning skule i Stryn og skular i Aurland
og Førde.
I tillegg til at svært mange skular i fylket
sette elevane til å skrive hundreårsbrev, har også nokre få
enkeltpersonar skrive hundreårsbrev.
Fristen for å skrive hundreårsbrev gjekk
ut 7. juni 2005.