Gaular kommune - budsjett
2004
Gaular
kommunestyre har i møte 19.12.2003, sak 69/03, handsama og godkjent
budsjettet for Gaular
kommune for 2004.
Gaular kommune er underlagt statleg godkjenning og kontroll, jf.
kommunelova § 59a, og fylkesmannen skal etter dette godkjenne budsjettet
for 2004. Manglande
hovudoversikter knytt til budsjettet sin taldel, ligg først føre den
09.07.04.
Sakshandsaminga
Fylkesmannen legg til grunn at formannskapet si innstilling, med
alle framlegg til vedtak, har lagt ute til offentleg gjennomsyn i minimum
14 dagar, jf. kommunelova § 45 nr. 3.
Fylkesmannen vil
kommentere at manglande dokumentasjon i form av obligatoriske oversikter
har gjort det vanskelig å få nødvendig oversyn over
budsjettbalansen.
Årsbudsjettet, med budsjettskjema 1A og 2A (jf. forskriftene § 6), skal
liggje føre som eige dokument slik det er vedteke av kommunestyret,
seinast 15. januar i budsjettåret og skal straks sendast fylkesmannen til
orientering. Obligatoriske
oversikter, jf. kommunelova § 46 og forskrift om årsbudsjett § 15, skal
vere sendt fylkesmannen seinast den 1. mars i budsjettåret.
Driftsresultat og inndekning av tidlegare års rekneskapsmessig
underskot
Skatteinntekter/rammetilskot:
Kommunen har lagt til grunn rammetilskot frå staten med
46,432 mill. kroner og eit skatteanslag på kr. 41,358 mill.
kroner. Til saman 87,790
mill. kroner. Prognosen for
Gaular kommune etter revidert
statsbudsjett, er eit anslag
på til saman 87,3 mill. kroner.
Driftsresultat:
Fylkesmannen si
anbefalte norm for netto driftsresultat er på 3 % av driftsinntektene
slik at kommunane set av midlar til framtidige investeringar og
uføresette tilhøve.
Budsjettet syner eit netto driftsresultat på kr. 2.197.000,-, noko som er
om lag 1,7 % av dei budsjetterte
driftsinntektene.
Kommunen
har dei siste åra hatt slikt driftsresultat:
Beløp i 1000 kr.
|
|
R 2002
|
B 2003
|
R 2003
|
B 2004
|
|
Netto driftsresultat
|
-12 777
|
-1 165
|
-6 638
|
-2 197
|
|
Rekneskapsmessig meirforbruk
|
-4 068
|
0
|
-2 587
|
0
|
Inndekning
av tidlegare års rekneskapsmessig
underskot: Det samla
akkumulert underskotet er på kr.
11.589.658. I dette beløpet
ligg også underskotet for
2003. Underskotet må etter
kommunelova § 48 nr. 4,
seinast vere dekka inn slik:
År:
Underskot
Skal seinast vere dekka inn i:
2001:
kr. 4.934.654
år 2005
2002:
kr.
4.068.399
år 2006
2003:
kr.
2.586.604
år 2007
Kommunen
har i økonomiplanen for åra 2005-2008 budsjettert med slik inndekning av
underskotet:
2004:
Kr.
2.984.600
2005:
Kr. 2.971.554
2006:
Kr. 3.525.879
2007:
Kr. 2.004.975
2008:
Kr.
102.650
Fylkesmannen
sine merknader:
Sum
skatt og rammetilskot er noko
høgt. Særleg har
endringane i skatteinngangen i året på landsbasis ført til reduserte
rammer for kommunane, også for Gaular
kommune. Så langt kan det
sjå ut til at sum skatt og rammetilskot er for høgt budsjettert med 0,5
mill. kroner. Utviklinga i
skatteinngangen resten av 2004 vil også kunne medføre at dette beløpet
vil auke. Gaular
kommunestyre har i møte den 01.07.04 vedteke nye
innsparingstiltak.
Budsjettet er ikkje oppdatert etter
vedtaket. Fylkesmannen
ser det som svært viktig at dei vedtekne tiltak vert sett i verk snarast
for å sikre at kommunen får nødvendig økonomisk balanse og samstundes får
dekka inn det akkumulerte underskotet i samsvar med vedteken plan. Det
har dei siste åra vore store avvik mellom budsjett og rekneskap, og det
er no viktig at dei vedtekne tiltaka vert
gjennomført.
Fylkesmannen
har ikkje merknader til inndekninga av underskotet utover at det
akkumulerte underskotet i 2004 skal vere dekka inn i
2007. Dvs, også dei
kr. 102.650 som står att til inndekning i
2008.
I tillegg
til den usikkerheita som ligg i budsjettet for
2004, jf. for høgt anslag
skatt- og rammetilskot, er
det ei manglande rekneskapsføring i rekneskapen for 2003 på om lag 1,3
mill. kroner som kommunestyret har vedteke skal førast i rekneskapen for
2004. Budsjettet må snarast oppdaterast for å ta høgde for også desse
utgiftene.
Investeringsbudsjettet/nye
låneopptak
Kommunen
søkjer om opptak av lån på kr. 3.640.000 til finansiering av
investeringar i 2004. Størsteparten av låna gjeld tiltak innan
VAR-sektoren, og skal i prinsippet vere
sjølvfinansierande. Sidan
Gaular kommune er underlagt betinga statleg godkjenning og kontroll, skal
alle vedtak om nye låneopptak godkjennast av fylkesmannen, jf.
kommunelova § 59a nr. 1.
Fylkesmannen sitt generelle syn for kommunar registrert i ROBEK
er:
·
budsjett og økonomiplan må vere i balanse og
nye lån må vere innarbeidde
·
å berre ta opp lån som er
sjølvfinansierande
·
å rå i frå opptak av lån som aukar
driftsutgiftene
Låneopptak
i budsjettåret må godkjennast
særskilt. Det er viktig at
tiltak som krev lånefinansiering, ikkje vert sett i gang før
lånegodkjenning ligg føre.
Dei
store netto driftsunderskota
til kommunen, og dei akkumulerte underskota som har synt seg vanskeleg å
klare å dekke inn, gjer at
fylkesmannen ikkje vil godkjenne nye låneopptak utover dei som er
sjølvfinansierande, tiltak som på sikt vil redusere kommunen sine
driftsutgifter og dei tiltak som er lovpålagde.
Fylkesmannen
godkjenner følgjande låneopptak:
Reinseanlegg
Sande vassverk:
kr. 1.450.000
Rehabilitering
høgdebasseng:
kr.
90.000
Leidningskartverk:
kr.
50.000
Rehabilitering
kloakkpumpe:
kr.
150.000
Data
administrasjonen:
kr.
120.000
Læremiddel,
data,
skulane:
kr.
230.000
Pålegg
arbeidstilsynet Sande
skule:
kr.
120.000
Sum:
kr. 2.210.000
Avdragsutsetjing lån
Kommunen
søkjer om avdragsutsetjing på lån med 4 mill.
kroner. Etter endringane i
kommunelova i 2001, er det ikkje lenger høve til å utsetje
avdragsbetaling på lån.
Fylkesmannen har såleis ingen heimel til å godkjenne ei slik
avdragsutsetjing.
Etter
kommunelova § 50 nr. 7a, skal kommunen betale like årlege
avdrag og der den gjenståande løpetida for kommunen si samla gjeldsbyrde
ikkje kan overstige den vekta levetida for kommunen sine anleggsmidlar
ved siste
årsskifta.
Fylkesmannen
sitt vedtak:
Under
føresetnad av at den nye avdragsplanen føl reglane i kommunelova § 50 nr.
7a, godkjenner fylkesmannen vedtaket om endra
nedbetalingstid.
Økonomiplan for 2004-2007
Gaular
kommunestyre har i møte 01.07.04, sak 42/04, handsama og vedteke
økonomiplan for perioden
2005-2008. Økonomiplanen er
i 2004-prisar og hovudoversiktene syner balanse i
planperioden.
Fylkesmannen
sine merknader:
Fylkesmannen
har ingen merknader til økonomiplanen til Gaular kommune slik han ligg
føre etter vedtak i kommunestyret den 01.07.04, utover at det må takast
høgde for eit noko høgt anslag skatt og rammetilskot som også vil påverke
inntektsramma i planperioden.
Etter
kommunelova § 44 nr. 4, skal kommunen kvart enkelt år i økonomiplanen
syne dekning for utgifter og oppgåver som er ført opp, jf. også
kommunelova § 46 nr. 6. Vi føreset då at kommunen har innarbeidd i
økonomiplanen alle andre overordna planar som har betydning for inntekts-
og utgiftsnivået til kommunen, jf. kommunelova § 44 nr. 3 og
5.
Samandrag
Fylkesmannen skal føre lovlegkontroll av budsjettvedtaket til
Gaular kommune, jf.
kommunelova § 59a nr. 2. Fylkesmannen har ikkje funne tilhøve som
tilseier at budsjettvedtaket må
opphevast. Fylkesmannen vil
likevel oppmode kommunen om snarast å gjennomføre nødvendige
budsjettjusteringar, jf. merknadene ovanfor.
Låneopptak
til investeringar som ikkje er godkjende i brevet her, må søkjast om
særskilt. Det er viktig at
tiltak som krev lånefinansiering ikkje blir sett i gang utan at
låneopptak er godkjent.
Fylkesmannen vil ikkje godkjenne slike lån i etterkant.
Det er
viktig at kommunen til ei kvar tid har oppdaterte økonomiske oversyn slik
at det er mogleg å følgje med budsjettbalansen gjennom
året.
Med
helsing
|
Oddvar Flæte
|
Gerd Fløde Bjørlo
|
|
|
rådgjevar
|
Kopi: Indre Sunnfjord distriktsrevisjon
(isd@forde.kommune.no)