Fylkesmannen opnar for ekstraordinært fiske etter anadrome laksefisk i
sjøen med settegarn og drivgarn i tidsrommet 15.10.2003 – 20.10.2003 kl.
1200 vest for ei line frå Kyrkjebø til Fuglsbøen (i Høyanger) og aust om
ei line frå Storakern (i Hyllestad) til Kråkeneset (i Solund) til
Vardeneset (i Gulen).
Fiskeridirektoratet og Fylkesmannen oppmodar alle yrkes- og fritidsfiskarar
i området til å vere med å fiske opp mest mogeleg av laksen som har rømd
frå eit anlegg ved Oppedal i Gulen kommune. Fisken skal ha ei snittvekt på
4 kg og skal ha bra helsestatus. Rømminga vart meld 14.10.03. Fangsten skal
meldast inn til Fylkesmannen med opplysningar om tal fisk, art og
totalvekt. Minsteavstanden til vassdrag er 100 m.