Naturvernforbundet gjorde i 2008 framlegg om å oppretta nasjonalpark i området ved preikestolen. Arealet er på 215 km² i Forsand, Strand og Hjelmeland kommunar. I si tilbakemelding peikar Fylkesmannen på at det aktuelle området har ei rekkje naturfaglege og andre verdiar som i sum klart kvalifiserer til status som nasjonalpark eller landskapsvernområde. Det gjeld mellom anna dokumenterte førekomstar av ulike plantar og dyr og eit heilt spesielt kvartærgeologisk fjordlandskap. I seg sjølv er det spektakulære landskapet langs Lysefjorden med mykje kulturlandskap og kulturminne verdt å ta vare på.

Eit eventuelt vern av Preikestoleområdet krev ein formell verneprosess etter Naturmangfaldlova. - Oppstart av ein slik prosess er avhengig av lokal og regional støtte og medverknad, seier fylkesmiljøvernsjef May Brit Jenssen.

Les heile Fylkesmannen si vurdering i lenkene nedafor.