Årets kvotejakt på gaupe innanfor kvotejaktområdet i Møre og Romsdal er no
avslutta etter at ein hanne på 13,5 kg vart felt på Krangnes i Surnadal
søndag 7. februar.
Gaupa som blei felt blei observert i lag med minimum ei anna gaupe. Vi
reknar med at den felte gaupa er ein unge frå den ynglinga som blei
dokumentert i Surnadal i 2009.
Gaupejakta innanfor kvotejaktområdet i Møre og Romsdal er difor slutt for
2010.
Kvotejaktområdet er kommunane gamle Aure, Halsa, Surnadal, Rindal og
Tingvoll samt den delen av Sunndal kommune som ligg nord for elva Driva.
Elles i fylket er det kvotefri jakt på gaupe i februar og mars.