Over hundre søknadar
Etter at Landbruks-og matdepartementet og Kommunal-og regionaldepartementet stilte til rådvelde 18 millionar kroner, fordelt over tre år, til kommunalt utviklingsarbeid har søknadane strøymd inn.

Samfunnsutvikling
 - Inn på tunet-løftet skal bidra til samfunnsutvikling og verdiskaping lokalt. Vi veit det er gode effektar av desse tilboda, seier statsrådane Lars Peder Brekk og Liv Signe Navarsete.

Bergen kommune
Bergen kommune fekk midlar til å utgreie vilkåra for eit tettare samarbeid mellom eksisterade Inn på tunet-tilbydarar gjennom ein Inn på tunet-ringen. Intensjonen er at vi skal jobbe for å støtte opp om eksisterande tilbod og utvikle fleire og nye tilbod i rusomsorg, kriminalitetsførebygging, barnehagar, skular, demensdagsenter, barnevern, NAV og tiltak for innvandrarar mellom anna.

Kontaktperson for Bergen kommune er Arvid Tveit ved Grøn etat i Bergen kommune.

Sveio kommune
Sveio kommune er interessant også i nasjonal samanheng. Dei skal mellom jobbe med å utvikle butilbod for ungdom. Dette er ikkje utprøvd før i Inn på tunet-samanheng. 

Kontaktperson for Sveio kommune er Anne Grutle som er mangeårig Inn på tunet-tilbydar.  
































Nye sjansar
Landbruks- og matdepartementet har opna opp for nye høve til å søkje om Inn på tunet-løft midlar. Det vert ny søknadsfrist 1. februar 2011.

To av ti
I Hordaland har ti kommunar vore involvert i åtte søknader. Denne gongen var det Bergen sin søknad om IPT-ring og Sveio sin søknad som fekk midlar frå den nasjonale satsinga Inn på tunet-løftet.


Meir informasjon finn de anten på Inn på tunet eller Landbruks- og matdepartementet sine nettsider.