Forklaringa på dei reduserte laksefangstane er i hovudsak restriksjonar som vart innført før sesongen. Ei rekke elvar fekk redusert fisketid, og i nokre vart det innført strenge døgnkvotar for kvar fiskar.  Tysseelva i Samnanger og Ådlandsvassdraget på Stord var stengt for fiske denne sesongen. 

Det er særleg smålaksen som har svikta i elvane. Fangst av mellom- og storlaks er omtrent som på det jamne dei siste 10 åra. Fangsten av smålaks er det lågaste som er registrert på meir enn 15 år (sjå figur).

 

 

Figur: Fordeling av fangst av laks i Hordaland i dei tre vektklassane tert (< 3 kg), mellomlaks (3-7 kg) og storlaks (> 7 kg) i perioden 1993 - 2008

 

Fangst av sjøaure har òg vorte redusert på grunn av  dei nye restriksjonane. Nesten alle sjøaureelvane fekk redusert fisketid i 2008.  Det er likevel ein klar tendens til nedgang i fangsten av sjøaure dei fleste stader på Vestlandet dei siste tre åra. Fangstane var på eit historisk lågmål i 2006, og var berre 68 kilo meir i år, sjå figur. I  Nordhordland, ser dei fleste sjøaurestammane framleis ut til å vere sterke.