Konferansen er lagt til Rica Sunnfjord Hotel i Førde onsdag 6. og torsdag
7. september 2006.
Den fyrste dagen er tema knytt til Den kulturelle skulesekken (DKS). Andre
dag er via Gi rom for lesing, med hovudvekt på tema
litteraturformidling.
I tillegg til eit spanande fagprogram vil deltakarane møte ulike
kulturinnslag og utstillingar med vekt på litteraturformidling.
Om kvelden den 6. september inviterer kulturavdelinga ved Sogn og Fjordane
fylkeskommune til teaterframsyning i Førdehuset. Stykket er den verdskjende
historia "Den vesle prinsen" av Antoine de Saint-Exupéry, formidla ved
hjelp av norsk folkemusikk og dans.