Eitt av måla for opptrappingsplanen er å redusere
bruken av tvang overfor pasientar i psykisk helsevern. Psykisk
helsevernlova omfattar tre formar for tvangsmiddel: mekaniske (belte og
reimar), korttidsverkande legemiddel og isolering. Tvangsmiddel er
tiltak som kan brukast i nødrettliknande situasjonar, der pasienten har
utagerande og ukontrollert åtferd. Tvang skal ikkje brukast som
behandling.
Rapporten viser at bruken mekaniske tvangsmiddel
(beltelegging) auka med 50 prosent frå 2001 til 2005. Medan bruken
av korttidsverkande legemiddel blei redusert frå 2001 til 2003, har det
vore ein tilsvarande auke frå 2003 til 2005. Bruken av isolering er
kraftig redusert. Talet på vedtak om skjerming har auka gjennom heile
perioden og blei nytta 2,5 gonger så ofte i 2005 som i 2001.
Det var store variasjonar mellom institusjonane i
bruken av tvang. Desse kan berre delvis førast tilbake til forskjellar
i behandlingsoppgåver mellom institusjonane.